老二花厅 怀旧唐楼Cafe! 限量原只焗鸡嫩滑美味

作者: 时间:2020-07-31C润生活986人已围观

依家愈嚟愈多不同特色Cafe开店,如文青style、少女风等样样有。但怀旧唐楼cafe你又去过未呢?新开张Cafe老二花厅 ,保留唐楼风格再加入Street Art创新元素,可以欣赏老香港味道同时感受艺术气息。而呢度每款食物都係自家用心製作,有原只焗鸡、炸鱼薯条、溶岩朱古力蛋糕配雪糕等西式美食,而且水準唔差过坊间的西餐厅。

 

老二花厅 打造怀旧唐楼Cafe

老二花厅 属老二公社分店,刚开张约一个月。为保持唐楼风格,店主们坚持保留已有50多年历史嘅绿白地砖,亦都因为锺意怀旧物品,Cafe内嘅部分家俱,如枱櫈、灯、风扇和雪柜等等、都喺夜栏、酒楼和麻雀馆等地方搜罗返嚟,令Cafe呈现出老香港味。

除咗旧式家俬和电器,花厅更加咗新艺术元素,特登请朋友将自己喺英国street art嘅作品带嚟香港,展现喺花厅墙上。作品将几位独裁者放上小朋友身上,黑白独裁者配七彩缤粉背景同小朋友画风,够哂特别又盏鬼。

老二花厅 怀旧唐楼Cafe! 限量原只焗鸡嫩滑美味
老二花厅环境比老二公社大,座位亦较多,而且较阔落开扬。
老二花厅 怀旧唐楼Cafe! 限量原只焗鸡嫩滑美味
花厅有各式各样的旧家俱,尽现懐旧风格。
老二花厅 怀旧唐楼Cafe! 限量原只焗鸡嫩滑美味
骑楼更设大型窗户,令空间感大增,感觉非常舒服。
老二花厅 怀旧唐楼Cafe! 限量原只焗鸡嫩滑美味
墙上的画出自一位香港艺术家Hin的手笔,主题名为「When I grow up I want to be… 」。

呢度嘅餐牌与老二公社差不多,会3至4个月就会转一次,保持新鲜感,令客人嚟到都有新嘢试。

主食及小食

香草焗肥鸡 $238

用香草和豉油等配料腌製一晚,再用鸡精华去焗大约30-45分钟,因製作须时,每日只限售5-10只。鸡肉充满香草味,肉质非常嫩滑美味,加少少柠檬汁仲开胃。

老二花厅 怀旧唐楼Cafe! 限量原只焗鸡嫩滑美味

炸鱼薯条配他他酱 $108

超大块炸龙脷柳配粗薯条,龙脷柳炸得够香脆,亦唔会炸到乾身,粉浆加咗少量啤酒,味道好特别。

老二花厅 怀旧唐楼Cafe! 限量原只焗鸡嫩滑美味

青酱素菜扁意粉 $86

想食清淡d,呢度亦有素食菜式提供。青酱素菜扁意粉用了红黄椒、露荀、秀珍菇、白磨菇、鸡髀菇等多款蔬菜,清淡得嚟唔会觉得好乏味。

老二花厅 怀旧唐楼Cafe! 限量原只焗鸡嫩滑美味

芝士薯角$58

薯角与芝士的比例刚刚好,芝士酱味道突出,薯角够厚身,配芝士食毫无腻感。

老二花厅 怀旧唐楼Cafe! 限量原只焗鸡嫩滑美味

甜品及饮品

溶岩朱古力蛋糕配雪糕 $58

朱古力蛋糕与云呢拿雪糕一向都係最佳配搭,但平时坊间的朱古力蛋糕甜到漏,呢个朱古力蛋糕朱古力味浓郁不会过甜,蛋糕够鬆软,完全唔dry。

玫瑰鲜奶咖啡 $44

鲜奶咖啡几滑,咖啡味不会过浓而盖过玫瑰味,同时可品嚐到咖啡苦涩和玫瑰花香味。

老二花厅 怀旧唐楼Cafe! 限量原只焗鸡嫩滑美味
左:溶岩朱古力蛋糕配雪糕 $58 右:玫瑰鲜奶咖啡 $44

老二是日心情窝夫 $68

即係士多啤梨棉花糖窝夫,酸甜士多啤梨酱,正好中和返棉花糖的偏甜味道,而且窝夫与棉花糖份量适中,整体味道唔会太甜太腻。

老二花厅 怀旧唐楼Cafe! 限量原只焗鸡嫩滑美味

冻朱古力$42

朱古力味好浓郁,加上香滑忌廉和朱古力酱,

老二花厅 怀旧唐楼Cafe! 限量原只焗鸡嫩滑美味

绿茶鲜奶 $44

绿茶与鲜奶比例平均,绿茶味不会太苦涩,味道唔太甜,够香滑。

老二花厅 怀旧唐楼Cafe! 限量原只焗鸡嫩滑美味

老二花厅

地址:旺角山东街80号1楼

营业时间:星期一至日 3pm-12am

电话:9284 2767

Facebook

 

想知更多吃喝玩乐、扮靓资讯,就快d like Sam拍胃 facebook page啦!

老二花厅 怀旧唐楼Cafe! 限量原只焗鸡嫩滑美味

相关文章